Mga Kasabihang Feeling Modern na Rin, May Dating

1. Ang naglalakad ng matulin . . . mga ala-ninja ang dating! Astigin!

2. Kahit saang gubat . . . pupuntahan ni Kuya Kim para sa shooting ng Matanglawin.

3. Kung ano ang itinanim . . . nawa’y hindi bangkay na sinalvage.

4. Kung ano ang puno . . . ay siyang pipiliin (baso ng softdrinks).

5. Kapag may isinuksok . . . siguraduhing may proteksyon at agad dukutin.

6. Laging nasa huli . . . ang makukulit sa klase (seating arrangement sa bus tuwing field trip).

7. Ang taong hindi marunong lumingon sa pinanggalingan . . . magnanakaw na hinahabol ng mga pulis.

8. Magbiro ka na sa lasing . . . ‘wag mo lang pakantahin ng My Way.

9. ‘Pag may usok . . . na kulay itim, welcome to Manila!

10. Ang sakit ng kalingkingan . . . ay katumbas ng sakit sa tiyan kuno ng mga estudyanteng tamad pumasok.

11. Kung sino ang pumutak . . . ay siyang umutot.

12. Magkulang ka na sa iyong magulang . . . ‘wag lang sa pamasahe pauwi.

13. Nasa tao ang gawa . . . pero wala pa ring ginagawa - tamad.

14. ‘Pag makitid ang kumot . . . may milagrong nagaganap.

15. Papunta ka pa lang . . . text mo, pero sa totoo lang nag-aayos ka pa rin (date ng magsyota).

16. Kapag ang ilog ay tahimik . . . tss, binaha lang yang loob ng bahay niyo.

17. Ang buhay ay parang gulong . . . lalo na kapag ang napangasawa mo ay gunggong kaya ulam niyo ay panay galunggong (gunggung + galunggong = gulong).

18. Ang hindi marunong magmahal sa sariling wika . . . weather weather lang yan. (Ano raw?)

19. My brother is not a pig . . . my pig is a brother (huh?).

20. Ang batang makulit . . . may bulate sa puwet.

21. Ang maniwala sa sabi sabi, walang internet sa bahay (estudyanteng naghihintay ng suspension).

22. Aanhin pa ang kabayo . . . kung andyan naman si Vice.

23. Sa pagkahaba-haba ng prusisyon . . . trapik tuloy.

24. May pakpak ang balita . . . dahil hindi natutulog ang balita (24 oras).

25. Pagsasama ng tapat . . . ‘pag nakatalikod iba na ang kinakasama.

26. Ang lumalakad ng marahan . . . akyat-bahay gang.

27. Nawala ang ari . . . panibagong lahi (bakla).

28. Ang gawa sa pagkabata . . . teenage pregnancy yan.

29. Ubus-ubos biyaya . . . beh buti nga.

30. Pagkapawi ng ulap, lilitaw ang liwanag . . . maiinis ang mga estudyante kasi malabong mag-suspend.

31. Huli man daw at magaling . . . pasado pa rin (kwatro standing to tres).

32. Maraming salita, kulang sa gawa . . . sigurado Pinoy politician yan.

33. Madaling sabihin . . . mas mahirap i-spelling.

34. Ang lalagyang walang laman . . . ay pitaka.

35. Ang taong walang kibo . . . pa-hard to get.

36. Kwarta na . . . naging pambayad utang pa.

37. Walang naninira sa bakal . . . kundi magnanakaw kasi ipapakilo sa junk shop.

38. Mahirap gisingin . . . ang estudyanteng kakatulog pa lang (puyat dahil sa schoolwork)

39. Ang tunay na anyaya . . . mismong prof nagyaya (walkout).

40. Walang palayok . . . ang hindi pwedeng basagin tuwing piyesta.

41. Matibay ang walis . . . lalo na ‘pag pinapalo sa puwet, masakit!

42. Turan mo ang iyong kaibigan . . . sa Facebook, sige nga sabihin mo lahat ng 1000+ friends mo. Friends nga ba?

43. Ang mabigat ay gumagaan . . . kapag nag-diet.

44. Maaaring pigilin ang baha . . . ngunit hindi sa Metro Manila.

45. Ano man ang gagawin . . . gawin mo na at nang ‘di mag-cramming.

46. Ang tulog na hipon . . . hipon pa rin.

47. Habang may buhay . . . may mamamatay.

48. Magsisi ka man sa huli . . . huli ka pa rin.

49. Ang isip ay parang itak . . . kaya itaktak mo, itak-itak, itaktak mo! Takakakakakakatak! Itaktak mo!

50. Walang mataas na bakod . . . sa akyat-bahay gang.

Ang mga naitala sa taas ay bunga ng kasabawan at cramming para sa aking Pan Pil 17 na klase, ito ay ukol sa pop culture sa Pilipinas.